ఇదే నా మొదటి ప్రేమలేఖ…
జూన్ 29, 2008
ప్రియ నేస్తమా,
నీవు క్షేమమేనా? ఈ చిన్న వాక్యంలో నా గుండెల్లో నీ క్షేమానికై నా ఆలోచనల తీవ్రత,నా అభిమానం యొక్క ఆర్ధ్రత ఏమాత్రం కనిపించకపోవచ్చు. కానీ ఇంతకంటే గొప్పగా చెప్పటానికి నాకు తెలిసిన భాష చాలటంలేదు. మనసులోని భావాల్ని పూర్తిగా వ్యక్తపరచడానికి మనం తయారుచేసుకున్న భాష చాలదేమో! నా మనస్సులో చెలరేగుతున్న భావాల్ని వ్యక్తీకరించడానికి మాటలు దొరకక మౌనమనే ఉక్కుపాదం క్రింద నలిగి విలవిలలాడుతున్న నా హృదయ వేదన నీకు కాస్తంత ఆసక్తిని కలిగిస్తే ఈ ఉత్తరాన్ని సారీ, నా హృదయాన్ని కాస్తంత అర్ధం చేసుకుంటూ చదువు.
నా గుండె తెరలలో అనుక్షణం చెలరేగుతున్న అలజడి నీతో చెప్పబోయేసరికి అట్టడుగు పొరలను వీడి బయటకు రావటంలేదు. మన్సులోని మాట కళ్ళలో కనిపిస్తుందని అంటారు. నా కళ్ళు చేసే గుస గుసలు, చెప్పే ఊసులు నీ వరకు చేరాయో లేదో నాకు తెలియదు. నేను నీతో గడిపే క్షణాలలో ఓ చిరునవ్వు లేదంటే కాస్త మౌనం తప్ప ఏమీ సాధించలేకపోయాను.నీ స్పందన కోసం అనుక్షణం అన్వేషిస్తున్న నాకు నీ మౌనమనే చీకటి నిరంతరం అంతరాయం కలిగిస్తుంది. ఈ అన్వేషణలో చిత్తుగా ఓడిపోయాను. అందుకే ధైర్యం చేసి ముందడుగు వేసి చెబుతున్నా, లయ బద్దమైన నా హృదయస్పందన విను. నేను…నిన్ను…ప్రేమిస్తున్నా. నాకున్న అంతులేని ప్రేమని ఎంతగా చెప్పాలని ప్రయత్నిస్తున్నా ఈ మూడు మాటలు తప్ప ఏమీ స్ఫురించటం లేదు. అయినా ఇంకా ఏదో చెప్పాలనే తపన నన్నింకా వ్రాయమని ముందుకు తోస్తుంది. నీవులేని లోకంలో నేను కోరుకునేది ఏదీ లేదు, చావుని తప్ప. నా ఆశలు,ఆశయాలు,ఆకాంక్షలు అన్నీ నీకై వేచి ఉన్నాయి, నీతో ముడిపడి ఉన్నాయి. కళ్ళముందు అనుక్షణం నీ రూపమే కనిపిస్తుంది. ఎక్కడ ఉన్నా, ఏ పని చేస్తున్నా నీ ఆలొచనలే నన్ను వెంటాడుతున్నాయి. ఎవరు పిలిచినా నీవే అనిపిస్తుంది. కొన్నిసార్లు నాకే అనిపిస్తుంది, ఒక మనసుని మరో మనస్సు ఇంతలా వెంటడుతుందా? వూపిరితీయనీకుండా వుక్కిరిబిక్కిరి చేస్తుందా? నా ప్రశ్నలకు ఎవరు సమాధానం చెప్పగలరు నీవు తప్ప.అందుకే నీ సానుకూల స్పందన కోరుకుంటూ మరొక్కసారి చెబుతున్నా. I LOVE YOU. ఈ మాటలన్నీ ఎన్నోసార్లు ఎంతో మంది చెప్పి మాములు మాటలయిపోయాయి. కానీ ప్రతి మనిషి జీవితం విలువయినదే, ప్రతి మనిషి ప్రేమ, అనుభూతులు అమూల్యమైనవే. Every life and everybody’s feelings are special. ఇంకా ఏదో చెప్పాలని వున్నా తరువాత ఉత్తరానికై వాటిని నా హృదయంలో భద్రంగా పొందుపరిచాను. కానీ ఈసారి సంభోదన నేస్తమా అనికాక, ప్రియతమా అని వ్రాయగలిగే అవకాశం కోరుకుంటూ..
నీ పలకరింపుకే పులకరించి,
నీ శ్వాసనిశ్వాసాలని సప్త స్వరాలుగా మార్చడానికి
వేచి ఉన్న నీ
మురళీ.
Entry Filed under: Uncategorized. .
8 Comments Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1. aruna | జూన్ 30, 2008 at 5:43 పూర్వాహ్నం
mee letter chala bavundi.. execellent premikudi hrudayamulo vunnda bavana chala chakkaga chepparu
keep posting
aruna
2. Purnima | జూన్ 30, 2008 at 8:33 పూర్వాహ్నం
hmmm.. abbayilu premalekhalu elaa raastaara anna naa anumaaniki mee lekha o javaabu gaa migilindi.
baagundi. priyaa anna sambhodhana tho modalayye lekha kosam vechi choostunna..
Keep writing,
Purnima
3. mOhana | జులై 3, 2008 at 12:05 పూర్వాహ్నం
common ga andarilOnU kaligE bhAvAlE ayina, vAtini patti mATallO chikkiMchaTam chAlA kashTaM. but you did it! very well expressed.
Good Luck!
visala.
4. Naga Muralidhar Namala | జులై 10, 2008 at 3:49 అపరాహ్నం
Aruna gariki, purnima gariki, visala gariki dhanyavAdAlu.
5. svecha | జులై 18, 2008 at 7:09 పూర్వాహ్నం
me letter chala chala bagundhi.wordings chala bagunayi.
6. Naga Muralidhar Namala | జులై 20, 2008 at 6:31 పూర్వాహ్నం
Svecha gAru,
Thanks.
7. sekhar | డిసెంబరు 2, 2008 at 1:27 అపరాహ్నం
love letter
8. pravallika | ఏప్రియల్ 19, 2009 at 9:58 అపరాహ్నం
prema entha madhuramo, premanu teliya chesina mee premalekha kooda anthe madhuramga vundi murali gaaru